WorkNexa Sign in

Bina biometric machine. Bina jhanjhat.

Ungli ghisna band.
Chehra dikhao, attendance lagao.

Staff ka attendance, lunch, overtime aur salary, sab ek app mein. Diwar pe machine nahi, line nahi, mahine ke end mein Excel nahi.

14 din ka free trial. Machine lagane ka intezaar nahi.

PUNCH-O-MATIC 2009 PLEASE TRY AGAIN RETIRED

Please try again.

Sensor pe ungli rakh ke dekho. Purani aadat hai.

Har bahane ka jawab taiyaar hai.

Mazaak hamara hai, features asli hain. Har jawab ke neeche us feature ka naam hai, aur kaunsa kis plan mein hai, woh neeche plans mein.

  1. StaffSir, machine ne punch nahi liya.

    WorkNexaKaunsi machine? Yahan to phone se lagta hai.Phone se attendance

  2. StaffMera dost mera punch laga dega.

    WorkNexaDost ka chehra aap jaisa nahi hai. Face mismatch, aur photo bhi save.Face match + selfie

  3. StaffPhoto dikha ke laga lunga.

    WorkNexaPhoto palak nahi jhapakti, boss.Liveness check

  4. StaffSir, shop pe hi hoon.

    WorkNexaPhone bol raha hai shop se 4 km door ho.GPS + geofence

  5. StaffFake GPS wala app daal liya hai.

    WorkNexaPata chal gaya. Punch Review mein "Fake GPS" likha aa gaya.Fake GPS pakad

  6. StaffLunch bas 30 minute ka tha.

    WorkNexaLunch Out 1:02, Lunch In 2:32. 90 minute. Allowed 60, to 30 minute short.Asli lunch ka hisaab

  7. StaffNetwork nahi tha, isliye nahi laga.

    WorkNexaOffline bhi lagta hai. Network aate hi sync ho jata hai.Offline punch

  8. StaffSir, salary kam kyun aayi?

    WorkNexaDin, overtime, short, advance, sab payslip mein likha hai. App khol lo.Payslip app mein

  9. MalikMahine ke end mein phir Excel banana padega.

    WorkNexaGenerate dabao, salary ban gayi. Aap chai piyo.Ek click payroll

  10. MalikSabke paas smartphone nahi hai.

    WorkNexaOffice mein ek phone rakh do. Sab usi ke saamne chehra dikhayenge.Office kiosk

सूचना / NOTICE

Patrank: WN/ATT/001

Vishay: Biometric machine ki sewa-nivritti

Sabhi karmchariyon ko soochit kiya jaata hai ki office ki biometric machine ko uski lambi sewa ke baad aaj se retire kiya jaata hai.

Kaaran:

  1. "Please try again" bolte bolte gala baith gaya.
  2. Mehndi wale haathon ko pehchaanne se mana kar diya.
  3. Field staff ko aaj tak dekha hi nahi.
  4. Salary ka hisaab hamesha Excel pe chhod diya.

Aaj se attendance phone se lagegi. Kripya office aate samay apna chehra saath laayein.

Aagya se,
Management

Machine ne bahut sewa ki. Ab aaraam karne do.

KaamBiometric machineWorkNexa
PehchaanUngli. Mehndi, cement ya paseena laga to "Please try again".Chehra, palak jhapakne ke saath.
KahanDiwar pe, ek hi jagah.Staff ke phone pe, ya office ke ek phone pe.
Bahar ka staffMachine saath nahi jaati.GPS ke saath punch, jahan bhi ho.
LunchPunch hai, hisaab aapka.Lunch Out, Lunch In, kitna kam ya zyada, sab dikhta hai.
SalaryData nikaalo, Excel banao, calculator chalao.Attendance se seedha salary, ek click mein.
Naya staffMachine ke paas bulao, ungli scan karo.App se chehra register, admin apne phone se bhi kar sakta hai.

Sabka kaam halka.

Malik

Aaj kaun aaya, kaun late, kaun lunch pe, sab live.

  • Today's Attendance, branch ke hisaab se
  • Salary, advance, incentive
  • PF, ESI, PT, TDS
  • Reports, Excel mein

Manager / HR

Register bharna band, sirf jo galat lage woh dekho.

  • Shift roster
  • Leave approval
  • Punch Review
  • Attendance correction, audit log ke saath

Staff

Line nahi, ungli nahi. Phone nikalo, kaam shuru.

  • Check-in, check-out, lunch
  • Apna payslip
  • Leave aur expense claim
  • Network na ho to bhi punch

Salesman

Field ka poora din ek jagah, "main client ke paas tha" ke saboot ke saath.

  • Customer aur visits
  • Orders aur collections
  • Beat route, follow-ups
  • Targets

Kaunsa feature kis plan mein hai, neeche plans mein likha hai.

Shuru karna machine lagane se aasan hai.

  1. Company set karo

    Hum company aur plan set kar dete hain. Aap branch, shift aur staff add karo.

  2. Chehra register karo

    Staff app install karke khud kare, ya admin apne phone se sabka kar de.

  3. Machine kabaadi ko do

    Attendance shuru. Mahine ke end mein Generate dabao, salary taiyaar.

Saaf plans. Koi engineer visit charge nahi.

Starter

Attendance, basic field sales and basic payroll

₹9,999 / saal

GST shamil

  • 10 app users shamil
  • Extra user ₹500 / saal
  • Zyada se zyada 50 users
  • 14 din free trial

Silver

Advanced attendance, field sales, payroll and reports

₹19,999 / saal

GST shamil

  • 25 app users shamil
  • Extra user ₹750 / saal
  • 14 din free trial
Kis plan mein kya hai, poori list
FeatureStarterSilver
Attendance
Face attendance ✓ ✓
Mobile biometric unlock ✓ ✓
GPS location capture ✓ ✓
Geofencing / site radius ✓ ✓
Shift roster ✓ ✓
Late / early / overtime rules ✓ ✓
Attendance regularization ✓ ✓
Location history ✓ ✓
Branches 1 Unlimited
Shifts 2 Unlimited
Field Sales
Customers & basic visits – ✓
Order entry – ✓
GPS route tracking – ✓
Beat / route management – ✓
Follow-up reminders – ✓
Visit & sales targets – ✓
Collections & outstanding – ✓
Payroll
Basic payroll & payslips ✓ ✓
PF / ESI / PT / TDS ✓ ✓
Advances & loans ✓ ✓
Incentives & sales commission ✓ ✓
Full & final settlement ✓ ✓
Platform
Advanced reports ✓ ✓

Sawal jo aap poochne wale the.

Kya sach mein machine nahi chahiye?

Haan. Staff apne phone se attendance lagata hai. Jinke paas phone nahi, unke liye office ka ek phone kiosk ban jata hai, sab usi ke saamne chehra dikhate hain.

App kis phone pe chalta hai?

Android phone pe. Admin panel kisi bhi browser mein khulta hai.

Network na ho to?

Punch phone mein save rehta hai aur network aate hi server pe pahunch jata hai. Phone ki ghadi aage-peeche ki ho to woh bhi pakad mein aata hai.

Attendance galat lag gayi to?

Admin us din ko theek kar sakta hai, ya staff correction maang sakta hai. Har badlaav audit log mein rehta hai.

Hamara data kahan rehta hai?

Har company ka apna alag database hota hai. Ek company ka data doosri company ke saath nahi milta.

Machine ko chhutti do. Staff ko app do.